Kining taw nga ginganla'g Chai dili na ninyo ma-kontak sa mga mosunod na semana apan ayaw lang papasa ang iyang numero kay kini, Plan nga numero, ug pwede lamang ilisan ang SIM nga pareho lang gihapon og numero.
Sa ikapilang higayon, gi April Fools na pud siya.
Mga detalye:
Miabot siya gikan sa jamming/tambay sa iyang ikaduhang banda tupad sa Backyard Studio sa Lahug, ug alas dos na sa kaadlawon miabot sa ilang panimalay. Sa dihang taod-taod, miabot ang iyang usa ka housemate nga babaye, ug kay alas dos na, ila nang gitrangkahan ang pultahan.
Alas otcho sa kabuntagon: mata na si Chai. Sa iyang pagmata niining bag-o nga adlaw nga iya na pud atubangon, gikapkap niya ang telepono aron sa pag-check sa oras, kay natingala kini nganong wala mitingog ang alarm sa iyang cellphone. Apan nadiskubrihan niya nga wala na kini sa iyang tupad, ug wala na kini nakasumpay sa charger. Iyang gidu-ol iyang housemate nga bag-o rang miabot gikan sa nightshift nga duty sa call center aron tawagan ang telepono nga nawagtang. Apan wala'y telepono nga ming-ring sa sulod sa balay. Duna'y mitubag niini, ug tingog sa mga jeep ra ang madunggan. Sa mubo pang storya, gi T.Y. na iyang cell phone.
Rewind:
Alas kwatro sa buntag, rewind, miabot diay ang duha niya ka bayot nga housemate ug tungod kay si Chai pwerteng lami-a na ang katulog, nagbarag-barag pa kini sa iyang pag abli sa pultahan (kay ang-ang na man pud og sa gawas matulog ang mga yoyotch, dava?), ug wala na kini nakabantay ka duna diay gibooking ang usa sa iyang mga yoyotch nga housemate.
Pastilan ning ngyati, wa gani sila ka-shore og basin nagpa-Ronald-Ronald ra ang yawang buang.
Pastilan ning ngyati, sa kalit lang gituldokan ang kaanyag nga gibati sa babaye kagahapon lamang tungod kay nagbertdi ang iyang barkada og nalipay kini pag-ayo.
Pastilan, gikawatan na gani si Chai, siya pa'y magbayad kay company phone (apan okeh na, kay ang housemate nga nagdala og booking ming-pramis nga iya kining bayaran, data-data style).
Pastilan, sa mga milabay nga adlaw, pwerte pa niyang pamadlong sa mga kauban sa balay nga maghinay ining mga booking kay basin maapil sila sa House Ghost Society.
Alas ocho-traynta: Ming-adto sila sa NTC aron sa pagpangutana og unsa'y pwedeng mabuhat sa gobyerno (nangandoy pa intawn nga duna'y mabuhat ang gobyerno). Miingon ang usa ka amigo nga ang NTC naa sa Osmeña. Ming-adto pud intawn ang mga amaw, apan nahibaw-an pinaagi sa phone book (tungod kay nataud-tauran na wa ra gihapo'y NTC), ngadto diay sa Mandaue ang pisting yawang establisamento.
Nangaon na lang sila'g McDo.
